Mitglied werde bi de Ländlergoofe
Bisch zwüschet 16 und 25 Johr alt, chunsch usem Toggeburg oder us de Umgebig und hesch eifach Freud a de Ländlermusig und em gmietliche Zämesii? Denn bisch bi üs genau richtig. Bi üs zellt d Gmeinschaft, Spass und unvergässlichi Momänt zäme.
Das erwartet di bi üs
Bi de Ländlergoofe.Toggenburg stoot d Gselligkeit im Vordergrund. Du muesch kes Instrumänt spile chönne – s Wichtigscht isch d Begeischterig für üsi Traditione und es tolls Mitenand.
Spannendi Usflüg
Mir unternehmet zäme abwächsligsriichi Usflüg ide Bärge, bsuechet zäme anderi tolli sache oder gnüssed eifach e gmüetlichs Zämesi im Toggeburg.
Grümpeli und Wettbewärb
Ob bim Grümpeli, Sportturnier oder anderne Plousch-Wettbewärb – mir gönd als cools Team a Start und händ zäme und hend en richtige tolle tag.
Freud a Ländlermusig
S Schwyzerörgeli im Ohr und gueti Luune im Gepäck. Kes Instrumänt nötig: Wer d Musig gärn het und gärn lacht, ghört scho dezue.
Eifach schnuppere und debii sii.
Möchtsch zersch emol luege, wie s bi üs isch? Chum ungeniert an eis vo üsne nöchschte Träffe. Als Mitglied zahlsch du grundsätzlich kene feschte Johresbitrag – mir beteiliget üs jewiils eifach mit me chliine Bitrag a de jewiilige Usflüg, damit s Programm zstand chunnt. Jedi Teilnahm isch freiwillig, au wenn mir üs freue würed wenn du bi de wichtigschte Aaläss debii bisch!
Wer cha mitmache?
Üse Verein richtet sich a alli Jugendliche und junge Erwachsene zwüschet 16 und 25 Johre, wo us em wunderschöne Toggeburg oder us de nöchere Umgebig chömed. Du bruuchsch kei musikalischi Vorbildig – nume gueti Luune und Luscht uf neui Fründschafte.
Jetzt aamälde
D Aamäldig isch ganz eifach: Schick üs dini Aagabe mit Name, Alter, Adrässe und Pruef per E-Mail a Landjugendtoggenburg@gmail.com . Mir freued üs riesig druf, di scho bim nöchschte Träffe kennezlerne!
Erstelle deine eigene Website mit Webador